先驗貨後簽收: Facebook 既熱烈討論

先驗貨後簽收: Facebook 既熱烈討論

Sara Ip

我o係淘寶買左咁多次野, 其實都好少o係快遞面前check, 係試過因運送問題d貨有部份爛左, 但你同返賣家講佢多數會係退錢, 因運送返去俾佢佢多數都冇得再退返~同埋時間都會好耐, 賣家又唔想再俾返運費~

CF Cheng

多數垃圾快遞都唔俾你check，一定要你簽左先。你肯俾錢唔代表賣家肯用順豐。試過快遞懶到連貨車都唔落，門都唔開，喺車窗交俾我，件野又包幾層膠，點check？點知件野真係爛左，同無賴賣家嘈左幾日，浪費時間。
『蝦米小妹』最後一段先係重點，上網買野就有風險。

吹波膠人

唔係喎, 就算順豐都堅持唔肯比你 打開ck左先簽收架啵, 如果係送上門 你簽完佢走, 如果去站頭囉貨, 你簽完可以即場開ck, 不過有問題 佢仍然只係叫你去聯絡返個賣家,...順豐唔會負責架啵....我已經試過多次, AND 同時打埋去客戶熱線度問,佢話佢同事程序無錯......

Orange Xo

我反而試過一千零一次係快遞前check，咁岩又真係爛左，拒收推返比快遞，過幾日順豐d 人打返黎問做咩唔收件，我話一係你運送途中整爛左一係賣家問題，cs就話會影相send 比賣家，之後無哂聲氣，原來已經運返比賣家，退錢done

CF Cheng

順豐起碼唔會喺你一邊check嘅時候，一邊話︰『我收四蚊搏俾人抄牌』（送貨條友只係收4蚊/件人工）
又試過有間話︰『我做速遞十幾年都無呢條規矩』（先check後簽），唔駛你趕，佢自己走左，吹脹。
淘寶指引跟本係脫離現實。

Sara Ip

完全係....我上面所講既有幾次都係SF, 第一次收果時佢打黎話就到, 我問返佢, 係唔係要o係你面前開黎check貨? 佢話, 下, 我地唔會咁做ga wor~所以我以後咁多次都冇開黎check~

2010-04-08 updated

Meme Lam

我自己經驗係順豐都唔俾驗貨,因為我係買LED電燈膽,成幾百元,我堅持要驗先肯簽收,結果佢哋攞番件貨走,我就通知賣家退貨唔要,後來係賣家同順豐講掂咗,過咗一日再送嚟,先肯俾我驗完再簽收,所以講俾大家知,唔係幫襯順豐就一定可以驗貨後簽收架.

Meme Lam

呀!仲想補充,就係國內可以咁做,但送到落嚟香港,就話當國際郵件,無呢條規則,我甚至去淘寶網投訴都唔受理,話係客戶同快遞公司問題,同佢哋交易平台無關,真係"吹脹"

Davis Yee

又真吹tb吾脹, 我多次試過俾個call我叫我落樓收或等吾切就放糸樓下管理處就走人, 你話...

===========================
香港人淘寶網購物小貼士
http://blog.hktaobao.net

先驗貨後簽收: 蝦米小妹既個人心得

先驗貨後簽收: 蝦米小妹既個人心得

你要官方model answer定係個人心得?

官方answer:
1."好多淘寶店既賣家都要求買家先驗貨後簽收"

答:
賣家的確係有需要要求買家先驗貨後簽收，因為唔知你簽收後做左d咩係人為破壞定係質量問題，而最重要係如果件貨係有保價的話，你收貨時當然要即刻睇，有問題快递要賠付。

2."如果唔係有缺有壞都唔比退，"
如果賣家加入左"7天無條件退貨",你可以退的。

個人心得：
1,好多淘寶店既賣家都要求買家先驗貨後簽收

答:
我淘宝幾長時間了，好多賣家絕對肯俾你退，佢驚我俾差評佢仲多過驚我退貨（特別當你係有返咁上下級數的買家，你一個差評可以捽死佢，佢地仲驚！）
不過，我唔想浪費錢在運送費，所以如果唔係大件事影響到最主要貨品用途或性能的話，都選擇不退的。

2."如果唔係有缺有壞都唔比退，"
如果件貨唔係有缺有壞，點解你要退呢？買左唔中意咪送俾人或者放係度囉。

3."但好多快遞公司根本唔會比你咁做，佢地好多快遞員都好趕，想問各位有咩辦法解決呢個問題？"
其實每一間快递公司都有不同的規定同特色，
所以，如果你唔係貴重，用普通果ｄ快遞囉，
如果係貴重，當然要用順豐啦，佢一定一定肯等你check,

最後，每一個買家都要明白，始終係上網買唔係出街買，出街買有出街的好處，上網買有上網買的好處，當然亦都各有壞處。無論係買家同賣家都有風險要承擔的。

BY 蝦米小妹

===========================
香港人淘寶網購物小貼士
http://blog.hktaobao.net