網友分享 點解要上深圳開銀行戶口

網友分享 點解要上深圳開銀行戶口

網友:

工行同建行喺香港嘅所謂見證人戶口，其實真係有啲搵笨，一啲都唔方便，原因係職員對呢項產品非常唔熟悉，一味只話"我哋同國內係同一間企業，但系統同監管兩地係全然不同及互不牽涉，所以我哋唔清楚國內分行嘅做法…＂，另外開一個見證人戶口大約需時二至三星期，香港文件當然冇問題，但國內文件有冇填漏，填錯，開錯戶口呢？香港職員就唔知又唔清楚，亦都唔負責，而且匯款費用又冇得免，浪費時間之餘亦令自己一肚氣，所以都係直接返國內開戶最穩妥，只不過帶身份證、回鄉咭、一卡兩號電話號碼，亦唔駛規定要keep幾千蚊，所以我決定呢兩日上深圳一趟

我個人認為，如果間銀行可以好優惠或甚至免費滙款上國內銀行戶口嘅，又或者好冇時間上深圳開戶嘅，咪喺香港開見證人戶口囉，如果唔係，就無謂喺香港開一個唔多用嘅戶口，又要keep住幾千蚊，又要久唔久郁下個戶口，怕會收不動戶收費或不足最低存款收費…

有時見啲網友問喺國內邊間銀行開戶好，我有以下建議：支付寶有分快捷支付同網銀支付，港人係唔可以用儲蓄卡申請快捷支付

因為快捷支付嗰part會要求輸入身份證號碼，但只接受內地身份證，一啲細銀行只能提供開通快捷支付嘅服務，所以香港朋友都係喺大銀行開戶好喇

另外，選擇開戶銀行最好搵啲分行、自助銀行及ATM網絡廣泛嘅，最好選擇你比較常去嘅地方開戶，例如羅湖商業城、東門等地，因為有時如果涉及一啲帳戶問題，係要返開戶分行辦理先得，仲有國內銀行有分同城定跨城服務收費，即係話喺深圳開嘅戶口去廣州分行攞錢入錢（atm都係），係要收費㗎

希望呢啲小意見可以幫到各位網友

from
https://www.facebook.com/hktaobao/posts/10150971464161470

網友C 你會用邊間?
建行

因為 建行 羅湖關口 就有?
同埋福田區都有，事關我比較多以羅湖及福田口岸出入境 

大陸銀行開戶口 收費表
http://goo.gl/zfhBG

[真人示範] 朋友仔上深圳建設銀行開人仔戶口

http://blog.hktaobao.net/2012/04/blog-post.html

我朋友蠢左 原來 羅湖商業城  就有 建行

===========================
香港人淘寶網購物小貼士
http://blog.hktaobao.net